يعني ايه كلمة فوركس

يعني ايه كلمة فوركس

بصوت محمد فؤاد يعني ايـه كلمه فوركس  بصوا بقي  احنا عاملين حلقات عن البورصة المصرية  وعشان احنا ناس متخصصه في اكتر من سوق مال المفروض ننزل عندنا حلقات عن اكتر من سوق  

وهنبدأ نتكلم عن سوق الفوركس انهارده خلينا الأول نعرف ايـه كلمه وطن لالالا دي بتاعت محمد فؤاد وبعدين ملناش دعوه بالسياسه  "يعني ايــه كلمه فوركس" 

Forex هي اختصار لـ Foreign Exchange Market يعني سوق بتبادل فيه الناس العملات الأجنبيه ببساطه وعشان مش تتوهـ معايا تخيل الفوركس ده عامل زي شركه صرافه ايووون تخيله زي شركه صرافه بس كبيره اوووي تمام كده ؟ الفوركس ده بقي يا سيدي موجود في كل انحاء العالم وبيتعامل فيه البنوك العالمية والمؤسسات الدولية والأسواق المالية و شركات الصرافة و حتى المتداولون الأفراد 

طيب خلينا نعتبر الموضوع شركه صرافه زي ما اتفقنا  مش في شركه الصرافه بتروح تشتري مثلا دولارت "بالجنيه المصري" يعني فيه عملتين اهو دخلوا في الموضوع "هو ده ببساطه الفوركس  عملية الشراء و البيع في سوق الفوركس بتكون مرتبطة بوجود عملتين ، العملة اللي موجودة معاك و العملة التانية اللي هتشتريها أو هتبدلها بالعملة اللي معاك 

طيب حد عارف اصلا احنا في حياتنا ليه بنبدل عملة ؟؟ 

1- عشان مثلا الظروف العادية زي لما بنكون مسافرين بلد و محتاجين عملة عشان نقدر نصرف في البلد اللي رايحينها ديه

2- العمليات التجارية بإننا بنقوم بتبديل العملة عشان نستورد سلعة معينة من الدولة اللي إحنا محتاجين عملتها ديه

3- عمليات المضاربة و تحقيق الأرباح من فروق الأسعار ، و ده طبعا النوع اللي بنهتم بيه "وده اللي بتكسب منه في سوق الفوركس 

يعني مثلا انت عارف الدولار مثلا دلوقتي بـ 7 جنيه ومتوقع انه الأيام الجايا يوصل 10 جنيه فبتشتري دولارات وتشيلها معاك عشان مستني تكسب من فرق تغيير الأسعار

ده يا جماعه الموضوع بإبسط اشكاله وهنشرحه اكتر بتعمق ونقولك اكتر من سبب واداه يساعدوك انك تتنبأ بالاسعار هتتحرك ازاي الأيام الجايا 

قولنـا بقي ايـه المشاكل اللي بتقابلك في سوق الفوركس ؟؟

المصدر : chart voice